விவசாயிகள் சங்கத்தினர் ஆர்ப்பாட்டம்

ஏரல்:

ஸ்ரீவைகுண்டம் வடகால் மற்றும் தென்கால் பகுதி விவசாயிகளுக்கு சுழற்சி முறையில் 15 நாட்களுக்கு தண்ணீர் திறந்து விட வலியுறுத்தி ஏரல் தாலுகா அலுவலகம் அருகில் தமிழ்நாடு விவசாயிகள் சங்கம் சார்பில் ஆர்ப்பாட்டம் நடந்தது. இந்த ஆர்ப்பாட்டத்துக்கு தாலுகா செயலாளர் சுப்புத்துரை தலைமை தாங்கினார். தூத்துக்குடி மாவட்ட செயலாளர் கிருஷ்ணமூர்த்தி, மாவட்ட தலைவர் ராமையா, ஏ.ஐ.டி.யு.சி. மாவட்ட பொதுச் செயலாளர் கிருஷ்ணராஜ், திருச்செந்தூர் தாலுகா தலைவர் நடேசன் ஆதித்தன் உள்பட பலர் பேசினார். ஆர்ப்பாட்டத்தில் தமிழ்நாடு விவசாய சங்கம் தாலுகா குழு விஜயபாண்டி, சண்முகசுந்தரம், பேச்சுமுத்து, அருள்சாமி, மாரிசெல்வம், திருச்செந்தூர் பொறுப்பாளர் ஜெயக்குமார், திருச்செந்தூர் விவசாய சங்கம் சேகர், தாலுகா குழு உறுப்பினர் பாலமுருகன் உள்பட பலர் கலந்து கொண்டனர்.