டி.என்.பாளையம் அருகே விபத்தில் வாலிபர் சாவு

டி.என்.பாளையம்

டி.என்.பாளையம் அருகே உள்ள வாணிப்புத்தூர் மாரியம்மன் கோவில் தெருவை சேர்ந்தவர் குழந்தைசாமி. அவருடைய மகன் பவின் (வயது 26). இவர் சத்தியமங்கலம் அருகே உள்ள தனியார் சர்க்கரை ஆலையில் ஊழியராக வேலை செய்து வந்தார். பவின் நேற்று அதிகாலை வேலை முடிந்து வீட்டுக்கு மோட்டார் சைக்கிளில் சென்று கொண்டிருந்தார். அப்போது ஏளூர்மேடு பனங்காட்டு தோட்டம் அருகே சென்றபோது நிலைதடுமாறிய மோட்டார்சைக்கிள் சாலையோரம் நின்று கொண்டிருந்த வேனின் பின்னால் பயங்கரமாக மோதியது.

இதில் படுகாயமடைந்த பவினை அக்கம்பக்கத்தினர் மீட்டு சிகிச்சைக்காக 108 ஆம்புலன்ஸ் மூலம் சத்தியமங்கலம் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக கோவை அரசு ஆஸ்பத்திரிக்கு கொண்டு செல்லப்பட்டார். அங்கு அவருக்கு டாக்டர்கள் தீவிர சிகிச்சை அளித்தனர். ஆனால் சிகிச்சை பலனின்றி பவின் நேற்று காலை பரிதாபமாக இறந்தார்.

இது குறித்து பங்களாப்புதூர் போலீசார் வழக்கு பதிவு செய்து விசாரணை நடத்தி வருகின்றனர்.