கார் மோதி பெண் தொழிலாளி சாவு

ஒரத்தநாடு

ஒரத்தநாடு அருகே கார் மோதி பெண் தொழிலாளி பரிதாபமாக இறந்தார். இதுகுறித்து போலீசார் விசாரணை நடத்தி வருகின்றனர்.

தொழிலாளி சாவு

தஞ்சை மாவட்டம் ஒரத்தநாட்டை அடுத்துள்ள மேலஉளூர் நடைபாலம் பகுதியை சேர்ந்தவர் தர்மன். இவரது மனைவி ராமு (வயது54). தொழிலாளி. நேற்று இவர் தனது வீட்டின் அருகே தஞ்சை -பட்டுக்கோட்டை சாலை ஓரத்தில் உள்ள மரத்தடியில் கீற்று மட்டை முனைந்து கொண்டு இருந்தார். அப்போது தஞ்சையில் இருந்து ஒரத்தநாடு நோக்கி சென்ற ஒரு கார் எதிர்பாராதவிதமாக ராமு மீது மோதியது. இதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார்.

விசாரணை

இதுகுறித்து தகவல் அறிந்ததும் ஒரத்தநாடு போலீசார் சம்பவ இடத்திற்கு வந்து ராமுவின் உடலை கைப்பற்றி ஒரத்தநாடு அரசு ஆஸ்பத்திரிக்கு பிரேத பரிசோதனைக்கு அனுப்பி வைத்தனர். இதுகுறித்து ராமுவின் மகன் பிரபாகரன் கொடுத்த புகாரின் பேரில் ஒரத்தநாடு போலீசார் வழக்குப்பதிவு செய்து விசாரணை நடத்தி வருகின்றனர்.