புவனகிரியில் பெண் தூக்குப்போட்டு தற்கொலை

புவனகிரி,

புவனகிரி புது பிள்ளையார் கோவில் தெருவை சேர்ந்தவர் முருகவேல். இவருடைய மனைவி வினோதினி (வயது 27). இவர்களுக்கு 2 மகன்கள் உள்ளனர். இந்த நிலையில் சம்பவத்தன்று வினோதினி வீட்டில் தூக்குப்போட்டு தற்கொலை செய்து கொண்டார். இதுகுறித்த தகவல் அறிந்த புவனகிரி போலீசார் சம்பவ இடத்திற்கு விரைந்து வந்து வினோதினியின் உடலை பார்வையிட்டு அக்கம்பக்கத்தினரிடம் விசாரணை நடத்தினர். பின்னர் அவரது உடலை கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தனர். மேலும் இதுகுறித்த புகாரின்பேரில் புவனகிரி போலீசார் வழக்குப்பதிவு செய்து வினோதினி தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர்.