தூக்குப்போட்டு பெண் தற்கொலை

கடமலைக்குண்டு அருகே உள்ள துரைச்சாமிபுரம் கிராமத்தை சேர்ந்தவர் கருப்பையா. இவரது மனைவி நந்தினி (வயது 28). கடந்த சில ஆண்டுகளுக்கு முன்பு நந்தினிக்கு கர்ப்பப்பையில் அறுவை சிகிச்சை மேற்கொள்ளப்பட்டது. அதன் பின்னர் அவர் தொடர்ந்து வயிற்று வலியால் அவதிப்பட்டு வந்தார். இதற்காக பல்வேறு மருத்துவமனைகளில் சிகிச்சை பெற்றும் நோய் குணமாகவில்லை.

இதனால் மனமுடைந்த அவர் நேற்று வீட்டில் யாரும் இல்லாதபோது தூக்குப்போட்டு தற்கொலை செய்து கொண்டார். தகவலறிந்த கடமலைக்குண்டு போலீசார் சம்பவ இடத்திற்கு வந்து நந்தினியின் உடலை கைப்பற்றி பிரேத பரிசோதனைக்காக தேனி அரசு மருத்துவ கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.