வேடசந்தூர் அருகே பட்டாசு வெடித்து விவசாயின் கை விரல் துண்டானது

வேடசந்தூர் அருகே உள்ள ஓசாபாளையத்தை சேர்ந்தவர் சவுந்தரராஜன் (வயது 38). விவசாயி. நேற்று மதியம் இவர், பட்டாசு வெடித்து கொண்டிருந்தார். அப்போது அவர் கையில் பிடித்து பட்டாசை பற்ற வைத்தபோது எதிர்பாராதவிதமாக வெடித்து சிதறியது. இதில் அவரது இடது கையின் கட்டை விரல் துண்டானது. இதையடுத்து அக்கம்பக்கத்தினர் அவரை மீட்டு சிகிச்சைக்காக வேடசந்தூர் அரசு மருத்துவமனைக்கு கொண்டு சென்றனர். பின்னர் மேல்சிகிச்சைக்காக திண்டுக்கல் அரசு மருத்துவமனைக்கு அனுப்பி வைக்கப்பட்டார்.