மீன் வெட்டும் தொழிலாளி திடீர் சாவு

விழுப்புரம் கிழக்கு சண்முகபுரம் திருப்பானாழ்வார் தெருவை சேர்ந்தவர் ஜான்சன் (வயது 50). மீன் வெட்டும் தொழிலாளி. நேற்று முன்தினம் இரவு இவர், வளவனூரில் உள்ள தனது அண்ணன் வேளாங்கன்னி வீட்டிற்கு சென்றபோது திடீரென வாந்தி, மயக்கம் ஏற்பட்டுள்ளது. உடனே அவரை உறவினர்கள் மீட்டு சிகிச்சைக்காக வளவனூரில் உள்ள அரசு ஆரம்ப சுகாதார நிலையத்தில் அனுமதித்தனர். அங்கு அவரை பரிசோதித்த டாக்டர், ஏற்கனவே ஜான்சன் இறந்து விட்டதாக கூறினார். இவர் எப்படி இறந்தார்? என்பது குறித்து வளவனூர் போலீசார் வழக்குப்பதிவு செய்து விசாரணை நடத்தி வருகின்றனர்.