மின்சாரம் தாக்கி மீன் வியாபாரி சாவு

விழுப்புரம்:

விழுப்புரம் அருகே உள்ள வளவனூர் குடுமியான்குப்பம் பகுதியை சேர்ந்தவர் குணசேகரன் (வயது 56), மீன் வியாபாரி. இவர் சம்பவத்தன்று வீட்டில் இருந்து வெளியே சென்றவர், இளங்காடு பகுதியில் உள்ள ஒரு விவசாய நிலத்தில் உடல்கருகிய நிலையில் இறந்து கிடந்தார். இதுகுறித்த தகவலின்பேரில் வளவனூர் போலீசார் அங்கு விரைந்து சென்று குணசேகரனின் உடலை கைப்பற்றி விசாரித்ததில் அவர் மின்சாரம் தாக்கி இறந்திருப்பது தெரியவந்தது. மேலும் அவர் எதற்காக நிலத்திற்கு வந்தார்?, எப்படி மின்சாரம் தாக்கி இறந்தார்? என்பது குறித்து போலீசார் விசாரணை நடத்தி வருகின்றனர்.