நின்றிருந்த லாரி மீது பஸ் மோதி பெண்கள் உள்பட 5 பேர் படுகாயம்

கலசபாக்கம்

சந்தவாசல் அருகே உள்ள வேலூர்குப்பம் கிராமத்தைச் சேர்ந்தவர் அசோக்குமார், அரசு பஸ் டிரைவர்.

இவர் இன்று வேலூரில் இருந்து திருச்சி செல்லும் அரசு பஸ்சை வேலூரில் இருந்து திருவண்ணாமலை நோக்கி ஓட்டி வந்தார்

அப்போது கலசபாக்கம் அருகே தென்பள்ளிப்பட்டு தனியார் கல்லூரி அருகே சாலையோரம் டைல்ஸ் லோடு ஏற்றி வந்த லாரி நிறுத்தி வைக்கப்பட்டிருந்தது. இதன் மீது அரசு பஸ் திடீரென பின்புறத்தில் மோதியது.

இதில் பஸ்சின் முன்பக்கம் உட்கார்ந்து இருந்த 2 பெண்கள் உள்பட 5 பேர் படுகாயம் அடைந்தனர். அவர்கள் சிகிச்சைக்காக திருவண்ணாமலை அரசு மருத்துவ கல்லூரி மருத்துவமனையில் அனுமதிக்கப்பட்டனர்.

இந்த சம்பவம் குறித்து கலசபாக்கம் போலீசார் வழக்குப்பதிவு செய்து விசாரணை நடத்தி வருகின்றனர்.