நெல்லையில் 18 இடங்களில் விபத்தை தடுக்க ஒளிரும் விளக்குகள்

நெல்லை மாவட்டத்தில் சாலை விபத்துகளை தடுக்க போலீசார் பல்வேறு சாலை பாதுகாப்பு நடவடிக்கைகளை மேற்கொண்டு வருகின்றனர். இந்நிலையில் நெல்லையில் இருந்து கன்னியாகுமரி செல்லும் தேசிய நெடுஞ்சாலையில், அரியகுளம் அருகே சாரதா கல்லூரி விலக்கு, தாழையூத்து அருகே படைசாமி ராசா கோவில், மூன்றடைப்பு சந்திப்பு, பானாங்குளம் சந்திப்பு, மறுகால்குறிச்சி, வாகைகுளம் அப்பா கல்லூரி, வாகைகுளம், பெருமளஞ்சி சந்திப்பு, தளபதி சமுத்திரம், வள்ளியூர் சந்திப்பு, மாஞ்சில் சந்திப்பு, வள்ளியூர், கலந்தபனை சந்திப்பு, லெப்பைகுடியிருப்பு, பணகுடி தெற்கு பாலம், நெருஞ்சி காலனி, தண்டையார்குளம், புண்ணியவாளன்புரம் ஆகிய இடங்கள் விபத்து ஏற்படும் பகுதியாக கண்டறியப்பட்டுள்ளது. அந்த பகுதியில் தொடர்ந்து சாலை விபத்து ஏற்படுவதை தடுக்கும் வகையில் அந்த 18 இடங்களில் 30 ஒளிரும் விளக்குகள் அமைக்கப்பட்டுள்ளன.