பூ கட்டும் தொழிலாளி மர்ம சாவு

பட்டுக்கோட்டை பழைய பஸ் நிலையத்தில் பூ கட்டும் தொழிலாளி மர்மமான முறையில் இறந்து கிடந்தார். இது குறித்து போலீசார் விசாரணை நடத்தி வருகின்றனர்.

பூ கட்டும் தொழிலாளி

தஞ்சை மாவட்டம் பட்டுக்கோட்டையை அடுத்த பள்ளிகொண்டான் கிராமம் வடக்கு தெருவை சேர்ந்தவர் பழனிவேல்(வயது 45). பூ கட்டும் தொழிலாளியாக வேலை செய்து வந்தார்.

நேற்று முன்தினம் இரவு அரசு ஆஸ்பத்திரி அருகில் உள்ள பழைய பஸ் நிலைய பகுதியில் பழனிவேல் மயங்கிய நிலையில் கிடந்தார். அவரை அருகில் உள்ளவர்கள் மீட்டு அரசு ஆஸ்பத்திரியில் சிகிச்சைக்காக சேர்த்தனர். அங்கு அவரை பரிசோதனை செய்த டாக்டர்கள் அவர் ஏற்கனவே இறந்து விட்டதாக தெரிவித்தனர்.

மர்ம சாவு

இது குறித்து பழனிவேலின் தாயார் அமிர்தம், பட்டுக்கோட்டை நகர போலீசில் புகார் செய்தார். போலீசார் பழனிவேல் உடலை கைப்பற்றி பிரேத பரிசோதனைக்கு அனுப்பி வைத்தனர்.

இது தொடர்பாக போலீசார் வழக்குப்பதிவு செய்து பழனிவேல் எப்படி இறந்தார்? அவரது இறப்புக்கான காரணம் என்ன? என்று விசாரணை நடத்தி வருகின்றனர்.