கண்டக்டர் உள்பட 4 பேர் தற்கொலை

துறையூர், ஜூன்.22-

வெவ்வேறு சம்பவங்களில் கண்டக்டர் உள்பட 4 பேர் தற்கொலை செய்து கொண்டனர்.

மினிபஸ் கண்டக்டர்

துறையூரை அடுத்த செங்காட்டுப்பட்டி கிராமத்தை சேர்ந்தவர் சதீஷ் குமார் (வயது 30). மினி பஸ் கண்டக்டரான இவரை, அவரது தாயார் திட்டினாராம். இதனால் மனம் உடைந்த அவர் வீட்டு அருகே உள்ள கிணற்றில் குதித்து தற்கொலை செய்து கொண்டார். இது குறித்த புகாரின் பேரில் துறையூர் போலீசார் வழக்குப்பதிவு செய்து விசாரணை நடத்தி வருகின்றனர்.

இதேபோல் துறையூரை அடுத்த கீரம்பூர் பகுதியை சேர்ந்தவர் வீராசாமி (30). நெல் அறுவடை எந்திர டிரைவான இவர் குடும்ப தகராறில் விஷம் குடித்து மயங்கி கிடந்தார். இதை கண்ட குடும்பத்தினர் அவரை மீட்டு சிகிச்சைக்காக துறையூர் அரசு மருத்துவமனையில் சேர்க்கப்பட்டார். அங்கு அவர் சிகிச்சை பலன் இன்றி இறந்தார். இது குறித்த புகாரின் பேரில் துறையூர் போலீசார் வழக்குப்பதிவு செய்து விசாரணை நடத்தி வருகின்றனர்.

முதியவர் தற்கொலை

இதேபோல் திருச்சி உறையூர் இந்திரா நகரை சேர்ந்தவர் உதயசூரியன் (64) இவர் புற்றுநோயால் பாதிக்கப்பட்டு கடந்த 2 மாத காலமாக சிகிச்சை பெற்று வந்தார். இந்த நிலையில் அவர் வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார். இது குறித்த புகாரின் பேரில் உறையூர் போலீசார் வழக்குப்பதிவு செய்து விசாரணை நடத்தி வருகின்றனர்.

குடும்ப தகராறு

சிறுகனூர் அருகே உள்ள தெரணிபாளையம் நடுத்தெருவைச் சேர்ந்தவர் சுப்பிரமணி (60). இவருக்கும், குடும்பத்தினருக்கும் இடையே தகராறு ஏற்பட்டதாக கூறப்படுகிறது. இதனால் விரக்தி அடைந்த சுப்பிரமணி வீட்டில் விஷம் குடித்து தற்கொலை செய்து கொண்டார். இது குறித்த புகாரின் பேரில் சிறுகனூர் போலீசார் வழக்குப்பதிவு செய்து விசாரணை நடத்தி வருகின்றனர்.