மாணவர்களுக்கு இலவச சைக்கிள்

சேரன்மாதேவி:

வீரவநல்லூர் பாரதியார் அரசு மேல்நிலைப்பள்ளியில் விலையில்லா சைக்கிள் வழங்கும் நிகழ்ச்சி நடந்தது. பள்ளி தலைமையாசிரியர் மதியழகி முன்னிலை வகித்தார். ஆசிரியர் காமாட்சி வரவேற்புரையாற்றினார். சிறப்பு விருந்தினராக கலந்து கொண்ட வீரவநல்லூர் பேரூராட்சி தலைவர் சித்ரா, பள்ளி மாணவ - மாணவிகளுக்கு விலையில்லா சைக்கிள்களை வழங்கினார். நிகழ்ச்சியில் கவுன்சிலர் ஆறுமுகம் மற்றும் பள்ளி ஆசிரியர்கள், மாணவ- மாணவிகள் உள்பட பலர் கலந்து கொண்டனர்.