மாணவர்களுக்கு இலவச சைக்கிள்

ஏரல்:

ஏரல் அருகே உள்ள சிவகளை அரசு மேல்நிலைப் பள்ளியில் தமிழக அரசின் இலவச சைக்கிள் வழங்கும் விழா நடந்தது. விழாவுக்கு சிவகளை பஞ்சாயத்து தலைவர் பிரதீபா மதிவாணன் தலைமை தாங்கினார். ஸ்ரீவைகுண்டம் ஆணையாளர்கள் சுரேஷ், ஆன்றோ, பள்ளி தலைமை ஆசிரியர் சுதா பொன்மணி ஆகியோர் முன்னிலை வகித்தனர். உதவி தலைமை ஆசிரியர் பட்டு வரவேற்றார். 33 மாணவ-மாணவிகளுக்கு ஊர்வசி அமிர்தராஜ் எம்.எல்.ஏ. இலவச சைக்கிள் வழங்கினார். தொடர்ந்து அவர் பள்ளி வளாகத்தில் மரக்கன்றுகள் நட்டினார்.

நிகழ்ச்சியில் தி.மு.க. விவசாய அணி மாவட்ட துணை அமைப்பாளர் மதிவாணன், தெற்கு மாவட்ட காங்கிரஸ் பொருளாளர் எடிசன், மாவட்ட பொதுச் செயலாளர் சிவகளை பிச்சையா, ஸ்ரீவைகுண்டம் மேற்கு வட்டார தலைவர் நல்லகண்ணு, நகர தலைவர் கருப்பசாமி, மாவட்ட இளைஞர் காங்கிரஸ் தலைவர் இசை சங்கர் மற்றும் நிர்வாகிகள் கலந்து கொண்டனர்.