இலவச கண் பரிசோதனை முகாம்

கோவில்பட்டி:

கோவில்பட்டி ஏ.வி. தொடக்க பள்ளியில் புத்துயிர் ரத்ததான கழகம், கிருஷ்ணன் கோவில் சங்கரா கண் மருத்துவமனை, மாவட்ட பார்வை இழப்பு தடுப்புச் சங்கம் ஆகியவை இணைந்து இலவச கண் பரிசோதனை முகாமை நடத்தின. முகாமிற்கு புத்துயிர் ரத்ததான கழகச் செயலாளர் தமிழரசன் தலைமை தாங்கினார். டாக்டர் ஜோதிலட்சுமி தலைமையில் மருத்துவ குழுவினர் பொதுமக்களுக்கு கண்பரிசோதனை செய்தனர். இதில் 22 பேர் மேல் சிகிச்சைக்காக தேர்வு செய்யப்பட்டனர். முகாமில் நடராஜபுரம் தெரு பொதுமக்கள் நலவாழ்வு இயக்க தலைவர் செண்பகம், ஆவல்நத்தம் விவசாயிகள் சங்க செயலாளர் லட்சுமணன், பகத்சிங் ரத்ததான கழக தலைவர் காளிதாஸ், மருத்துவமனை ஊழியர்கள் விஜயகுமார், பத்மாவதி உட்பட பலர் கலந்துகொண்டனர்.