108 ஜோடிகளுக்கு இலவச திருமணம்

காரியாபட்டி,

காரியாபட்டி அசேபா நிறுவனம் சார்பாக 108 ஜோடிகளுக்கு சர்வமத இலவச திருமணம் அன்னபூரணி கோவில் வளாகத்தில் நடைபெற்றது. விழாவிற்கு அசேபா நிர்வாக இயக்குனர் லோகநாதன் தலைமை தாங்கினார். தலைவர் சந்திர பால் முன்னிலை வைத்தார். வேதாந்திரி மகரிஷி ஆஸ்ரமம் நிறுவனர் அழகர் ராமானுஜம், பிஷப் பீட்டர் ரெமிஜியஸ், மதுரை காதர்மைதீன் ஆகியோர் முன்னிலையில் 108 ஜோடி மணமக்களுக்கு இலவச திருமணம் நடைபெற்றது. விழாவினை முன்னிட்டு உலக நலனுக்காகவும் மண்வளம் காக்கவும் பெண்மையை போற்றும் வகையில் அன்னபூரணி அம்மனுக்கு சிறப்பு பூஜைகள் நடைபெற்றது. விழாவில் திருமணம் செய்துகொண்ட மணமக்களுக்கு சீர்வரிசை மற்றும் விருந்து வழங்கப்பட்டது. விழாவில் தோணுகால் ஊராட்சி மன்ற தலைவர் பாலமுருகன், டாக்டர் சாரல் தங்கம், சர்வ சேவா பள்ளிகள் இயக்குனர் வசந்தா, நடராஜன், உலகநாதன் மற்றும் பலர் கலந்து கொண்டனர். விழாவிற்கான ஏற்பாடுகளை அசேபா திட்டப்பணியாளர்கள் செய்திருந்தனர்.