மாணவர்களுக்கு இலவச சீருடை

வாசுதேவநல்லூர்:

வாசுதேவநல்லூர் மகாத்மா காந்திஜி சேவா சங்கத்தின் கீழ் இயங்கும் பத்மஸ்ரீ டாக்டர் சிவந்தி ஆதித்தனார் மனவளர்ச்சி குன்றியோர் சிறப்பு பள்ளியில் பெருந்தலைவர் காமராஜர் பிறந்தநாளை முன்னிட்டு மதுரை காமராஜர் அறநிலையம் சார்பாக மாணவர்கள் மற்றும் ஆசிரியர்களுக்கு சீருடை வழங்கும் விழா நடைபெற்றது.

விழாவில் தமிழ்நாடு மெர்க்கன்டைல் வங்கி மேலாளர் அர்ஜூன் கலந்துகொண்டு, சீருடைகளை வழங்கினார். பள்ளி தாளாளர் தவமணி, சிறப்பு ஆசிரியர்கள் சங்கரசுப்பிரமணியன் சாந்தி, ஹெலன் இவாஞ்சலின், இயன்முறை மருத்துவர் புனிதா, உதவி ஆசிரியர் கார்த்தி மற்றும் மாணவ-மாணவிகள் கலந்து கொண்டனர்.