தஞ்சாவூரில் இருந்துரெயில் மூலம் 1,000 டன் நெல் ஈரோட்டுக்கு வந்தது

ஈரோடு மாவட்ட பொது வினியோக திட்டத்துக்காக பல்வேறு மாவட்டங்கள் மற்றும் மாநிலங்களில் இருந்து அரிசி, நெல், கோதுமை உள்ளிட்ட பொருட்கள் கொள்முதல் செய்யப்பட்டு வருகிறது. அதன்படி தஞ்சாவூர் மாவட்டம் கும்பகோணத்தில் இருந்து 1,000 டன் நெல் கொள்முதல் செய்யப்பட்டது. இந்த நெல் மூட்டைகள் 21 பெட்டிகள் கொண்ட தனி சரக்கு ரெயிலில் ஈரோட்டுக்கு அனுப்பி வைக்கப்பட்டது.

இந்த ரெயில் நேற்று காலை ஈரோடு ரெயில்வே பணிமனைக்கு வந்தது. இதைத்தொடர்ந்து சுமைதூக்கும் தொழிலாளர்கள் ஏராளமானோர் ரெயிலில் இருந்து நெல் மூட்டைகளை இறக்கி லாரிகளில் ஏற்றி நெல் சேமிப்பு கிடங்குகளுக்கு அனுப்பி வைத்தனர். இந்த நெல் மூட்டைகள் நெல் அரவை முகவர்களுக்கு அனுப்பி வைக்கப்பட்டு, அரிசியாக மாற்றப்பட்டு பின்னர் ரேஷன் கடைகள் மூலம் பொதுமக்களுக்கு வினியோகம் செய்யப்பட உள்ளதாக அதிகாரிகள் தெரிவித்தனர்.