தூத்துக்குடியில் ஜி.கே.மூப்பனார் நினைவு தினம்

தூத்துக்குடி வடக்கு மாவட்ட தமிழ் மாநில காங்கிரஸ் சார்பில் மறைந்த தலைவர் ஜி.கே.மூப்பனாரின் நினைவுநாள் நேற்று கடைபிடிக்கப்பட்டது. இதனை முன்னிட்டு மாவட்ட கட்சி அலுவலகத்தில் அலங்கரித்து வைக்கப்பட்ட மூப்பனாரின் உருவப்படத்துக்கு வடக்கு மாவட்ட தமிழ் மாநில காங்கிரஸ் தலைவர் பி.கதிர்வேல் தலைமை தாங்கி மாலை அணிவித்து மரியாதை செலுத்தினார். நிகழ்ச்சியில் மாவட்ட துணைத்தலைவர் ஆ.ராஜகோபால், ஆ.முருகேசன், சண்முகையா, அருளானந்தம், குட்டிராஜ், மாடசாமி, மு.சங்கர், பால்ராஜ் உள்பட பலர் கலந்து கொண்டனர்.