மூதாட்டியிடம் தங்க சங்கிலி பறிப்பு

பெரம்பலூர் மாவட்டம் குன்னம் அருகே உள்ள பரவாய் கிராமத்தை சேர்ந்தவர் கருப்பையா. இவரது மனைவி செல்லம் (வயது 60). இவர் நேற்று முன்தினம் இரவு தனது வீட்டில் குடும்பத்தினருடன் தூங்கி கொண்டு இருந்தார். அப்போது அதிகாலை மர்ம ஆசாமி வீட்டின் பின்பக்க கதவை உடைத்து உள்ளே சென்று கட்டிலில் தூங்கி கொண்டிருந்த மூதாட்டி செல்லம் கழுத்தில் அணிந்திருந்த 3 பவுன் தங்க சங்கிலியை பறித்தான். இதனால் அதிர்ச்சி அடைந்த மூதாட்டி கூச்சலிடவே அவரது மகன் ராமலிங்கம் மற்றும் பக்கத்து வீட்டினர் மர்ம ஆசாமியை பிடிக்க விரட்டி சென்றனர். ஆனால் அந்த ஆசாமி அங்கிருந்து தப்பி ஓடினான். இந்த சம்பவம் குறித்து குன்னம் போலீசார் வழக்குப்பதிவு செய்து விசாரணை நடத்தி வருகின்றனர்.