அரசு பஸ் - மொபட் மோதல்; தொழிலாளி பலி

துவரங்குறிச்சி, ஜூன்.5-

சிவகங்கை மாவட்டம், சின்னாரம்பட்டியைச் சேர்ந்தவர் நடராஜன் (வயது 55). தொழிலாளியான இவர் நேற்று இரவு துவரங்குறிச்சி காய்கறி வாரச்சந்தையில் காய்கறி வாங்கி விட்டு மொபட்டில் மதுரை - திருச்சி தேசிய நெடுஞ்சாலையில் சென்றுகொண்டிருந்தார். முக்கண் பாலம் அருகே செல்லும்போது பின்னால் மதுரையில் இருந்து திருச்சி நோக்கி சென்ற அரசு பஸ் மொபட் மீது மோதியது. இதில் படுகாயமடைந்த நடராஜன் சம்பவ இடத்திலேயே பரிதாபமாக இறந்தார். இது குறித்த புகாரின் பேரில் துவரங்குறிச்சி போலீசார் வழக்குப்பதிவு செய்து விசாரணை நடத்தி வருகின்றனர்.