சமூகநீதி மாநாட்டில் சிறப்பான உரை: முதல்-அமைச்சர் மு.க.ஸ்டாலினுக்கு வீரமணி பாராட்டு

சென்னை,

திராவிடர் கழக தலைவர் கி.வீரமணி வெளியிட்டுள்ள அறிக்கையில் கூறியிருப்பதாவது:-

வைக்கம் போராட்ட நூற்றாண்டு விழா அறிவிப்புகள், ஏப்ரல் முதல் தேதியில் வைக்கத்தில் - வைக்கம் சத்தியாகிரக நூற்றாண்டு தொடக்க விழாவை தொடங்கி வைத்துப் பேரூரை. நேற்று முன்தினம் அகில இந்திய சமூகநீதி மாநாட்டில் நிறைவுரை இப்படி 3 முத்தாய்ப்பு நடவடிக்கைகளை முதல்-அமைச்சர் மு.க.ஸ்டாலின் மேற்கொண்டிருக்கிறார்.

இதற்காக முதல்-அமைச்சரை பாராட்டி, அவரின் உரைகளைப் பாராட்டி, முதல்-அமைச்சர் மு.க.ஸ்டாலினுடன் தொலைப்பேசியில் பேசி மகிழ்ந்து, நன்றி தெரிவித்தேன். முதல்-அமைச்சரும், மகிழ்ச்சியுடன் நன்றி கூறினார். வைக்கம் நூற்றாண்டு விழா, கேரள முதல்-மந்திரியுடன் இணைந்து நடந்தது, மிக நல்ல தொடக்கமாக அமைந்துள்ளது என்பதையும் குறிப்பிட்டார்.

இவ்வாறு அவர் கூறியுள்ளார்.