மாற்றுத்திறனாளிகள் விழிப்புணர்வு ஊர்வலம்

வேலூர்

வேலூரில் மாற்றுத்திறனாளிகள் விழிப்புணர்வு ஊர்வலம் நடந்தது.

மாற்றுத்திறனாளிகள் தினத்தை முன்னிட்டு மாற்றுத்திறனாளிகள் நலத்துறை சார்பில் முதுகு தண்டுவடம் பாதிக்கப்பட்டோருக்கான விழிப்புணர்வு ஊர்வலம் வேலூரில் நடந்தது. ஊர்வலத்தை கலெக்டர் குமாரவேல்பாண்டியன், நந்தகுமார் எம்.எல்.ஏ. ஆகியோர் கொடியசைத்து தொடங்கி வைத்தனர். வேலூர் புதிய பஸ் நிலையத்தில் இருந்து தொடங்கிய ஊர்வலம் கிரீன் சர்க்கிள் வரை நடந்தது. நிகழ்ச்சியில் மாவட்ட வருவாய் அலுவலர் ராமமூர்த்தி, மாநகராட்சி மேயர் சுஜாதா, மாவட்ட ஊராட்சி குழு தலைவர் பாபு, மாற்றுத்திறனாளிகள் நலத்துறை அலுவலர் சரவணன், தாசில்தார் செந்தில்குமார், இன்ஸ்பெக்டர் முத்துக்குமார் மற்றும் பலர் கலந்து கொண்டனர்.