தூக்குப்போட்டு தொழிலாளி தற்கொலை

ஆண்டிப்பட்டி அருகே உள்ள அம்மச்சியாபுரம் கிராமத்தை சேர்ந்தவர் சோலையப்பன் (வயது 39). கூலித்தொழிலாளி. இவர், வயிற்று வலியால் அவதியடைந்தார். இதற்காக பல்வேறு மருத்துவமனைகளில் சிகிச்சை பெற்றும் நோய் குணமாகவில்லை. இந்நிலையில் சம்பவத்தன்று அவருக்கு வயிற்று வலி அதிகமானது. இதனால் மனமுடைந்த சோலைப்பன் தூக்குப்போட்டு தற்கொலை செய்து கொண்டார். இதுகுறித்து க.விலக்கு போலீசார் வழக்குப்பதிவு செய்து விசாரணை நடத்தி வருகின்றனர்.