மதுபோதையில் தவறி விழுந்தவர், லாரி சக்கரத்தில் சிக்கி பலி

அருப்புக்கோட்டை,

அருப்புக்கோட்டையில் மது போதையில் தவறி விழுந்தவர், லாரியின் சக்கரத்தில் சிக்கி உயிரிழந்தார்.

மதுபோதையில் விழுந்தார்

தூத்துக்குடி மாவட்டம் வெம்பூர் பகுதியை சேர்ந்தவர் சங்கரபாண்டி (வயது 56). வீட்டை விட்டு வெளியேறிய இவர் ஊர், ஊராக சுற்றி வந்ததாக கூறப்படுகிறது.

சில தினங்களுக்கு முன்பு அவர், விருதுநகர் மாவட்டம் அருப்புக்கோட்டைக்கு வந்தார். இங்கு தினமும் மது குடித்துவிட்டு கடைவீதியில் சுற்றி வந்ததாக கூறப்படுகிறது. சம்பவத்தன்று மதுபோதையில் அருப்புக்கோட்டை பஜார் பகுதியில் ஒரு ஜவுளிக்கடை அருகே நடந்து சென்று கொண்டு இருந்தார்.

லாரி சக்கரத்தில் சிக்கி பலி

அப்போது அவர் திடீெரன தவறி கீேழ விழுந்தார். அந்தநேரத்தில் அந்த வழியாக வந்த லாரி அவர் மீது ஏறி இறங்கியது. இதில் அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த டவுன் போலீசார் விரைந்து வந்தனர். சங்கரபாண்டியின் உடலை பரிசோதனைக்காக அருப்புக்கோட்டை அரசு மருத்துவமனைக்கு அனுப்பி வைத்தனர். மேலும் இந்த சம்பவம் குறித்து அவரது மனைவி அளித்த புகாரின் பேரில் போலீசார் வழக்குப்பதிவு செய்து விசாரணை மேற்கொண்டு வருகின்றனர்.