பதவி உயர்வு வழங்க வலியுறுத்தி சுகாதார ஆய்வாளர்கள் ஆர்ப்பாட்டம்

சேலம் மாவட்ட சுகாதார ஆய்வாளர்கள் சங்கம் சார்பில் சுகாதாரத்துறை துணை இயக்குனர் அலுவலகம் முன்பு ஆர்ப்பாட்டம் நடைபெற்றது. இதற்கு மாவட்ட தலைவர் தீனதயாளன் தலைமை தாங்கினார். மாவட்ட செயலாளர் தனபால் கோரிக்கைகள் குறித்து பேசினார். மாநில பொருளாளர் மணிவண்ணன், இணைச்செயலாளர் ரமேஷ்குமார் ஆகியோர் சிறப்பு அழைப்பாளர்களாக கலந்து கொண்டு பேசினர்.

இதில் அரசு மூலம் ஒரு ஆண்டு பயிற்சி பெற்ற சுகாதார ஆய்வாளர்களுக்கு சிறப்பு ஊக்கத்தொகை வழங்க வேண்டும். சுகாதார ஆய்வாளர் நிலை-1 காலிப்பணியிடங்களுக்கு கலந்தாய்வு மூலம் பதவி உயர்வு வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பினர். இதில் அரசு ஊழியர் சங்க மாவட்ட செயலாளர் சுரேஷ், மாநில தணிக்கையாளர் தங்கராஜ் உள்பட பலர் கலந்து கொண்டனர். முடிவில் மாவட்ட பொருளாளர் சந்திரசேகர் நன்றி கூறினார்.