பெரம்பலூரில் பலத்த மழை

பெரம்பலூரில் நேற்று இரவு சுமார் 8.30 மணியளவில் இடி, மின்னலுடன் பலத்த மழை பெய்தது. தாழ்வான இடங்களில் மழைநீர் குளம் போல் தேங்கி நின்றது. மேலும் நகர்ப்பகுதியில் பல்வேறு இடங்களில் பாதாள சாக்கடை நிரம்பி கழிவுநீர் மழைநீருடன் கலந்து ஓடியதால் துர்நாற்றம் வீசியது. தொடர்ந்து இரவு நேரத்தில் பெய்து வரும் தொடர் மழையினால் வெப்பம் தணிந்து குளிர்ந்த சீதோஷ்ண நிலை ஏற்பட்டு வருவதால் பொதுமக்கள் மகிழ்ச்சி அடைந்தனர். பெரம்பலூர் மாவட்டத்தில் நேற்று முன்தினம் முதல் நேற்று காலை வரை பெய்த மழையளவு விவரம் மில்லி மீட்டரில் வருமாறு:- செட்டிகுளம்-28, பாடாலூர் -27, அகரம்சீகூர்-20, லெப்பைக்குடிகாடு-68, புதுவேட்டக்குடி-13, பெரம்பலூர்-49, எறையூர்-1, கிருஷ்ணாபுரம்-28, தழுதாழை-43, வி.களத்தூர்-15, வேப்பந்தட்டை-71.