உடையார்பாளையம் பகுதியில் கனமழை

அரியலூர் மாவட்டம் உடையார்பாளையம் பகுதியில் நேற்று காலை முதல் இரவு 8 மணி வரை பலத்த கன மழை பெய்தது. கடந்த ஒரு வாரமாக வெயிலின் தாக்கம் அதிகமாக இருந்தது. இந்நிலையில் நேற்று காலையில் வெயில் தாக்கம் குறைந்து குளிர்ந்த காற்று வீசதொடங்கியது. பின்னர் கருமேகம் சூழ்ந்து நல்ல மழை பெய்தது. இதனால் உடையார்பாளையம், முனியத்தரியன்பட்டி, விளாங்குடி, ஆதிச்சனூர், சுத்தமல்லி, கழுமங்கலம், கச்சிப்பெருமால், துலாரங்குறிச்சி, சூரியமணல், தத்தனூர், வெண்மாண்கொண்டான், மனகெதி, சோழங்குறிச்சி, அழிசிகுடி, பருக்கல், காடுவெட்டாங்குறிச்சி உள்ளிட்ட பல்வேறு பகுதிகளில் காலை முதல் இரவு வரை பலத்த மழை பெய்தது. இந்த மழையால் பொது மக்கள் மற்றும் விவசாயிகள் மகிழ்ச்சி அடைந்தனர்.