உடையார்பாளையத்தில் கன மழை

அரியலூர் மாவட்டம் உடையார்பாளையம் பகுதியில் கடந்த 2 நாட்களாக வெயிலின் தாக்கம் அதிகமாக இருந்தது. நேற்று மாலை கருமேகங்கள் சூழ்ந்து குளிர்ந்த காற்று வீசியது. பிறகு பலத்த கன மழை பெய்தது. இதேபோல் கழுமங்கலம், முணியத்தரியான்பட்டி, கச்சிப்பெருமாள், துலாரங்குறிச்சி, சூசையப்பர்பட்டிணம், இடையார், ஏந்தல், வானத்திரியான்பட்டிணம், ஒக்கநத்தம், பிலிச்சிக்குழி, காடுவெட்டாங்குறிச்சி, சோழங்குறிச்சி, பருக்கல், வெண்மான்கொண்டான், சுத்தமல்லி, ஆதிச்சனூர், நாச்சியார்பேட்டை உள்ளிட்ட கிராமங்களில் கன மழை பெய்தது. இதனால் விவசாயிகள் மகிழ்ச்சி அடைந்தனர்.