திருச்சி, மணப்பாறை பகுதிகளில் பலத்த மழை

மணப்பாறை:

திருச்சி பகுதியில் கடந்த சில நாட்களாக மழை பெய்து வருகிறது. இதேபோல் நேற்று மாலையும் பலத்த மழை பெய்தது. இதனால் சாலையில் மழைநீர் தேங்கியது. இதேபோல் மணப்பாறை பகுதியில் வெப்பத்தின் தாக்கம் பகலில் அதிக அளவில் இருந்தத. இதனால் மக்கள் மிகுந்த சிரமத்திற்கு ஆளாகினர். இந்நிலையில் நேற்று இரவு குளிர்ந்த காற்று வீசிய நிலையில் திடீரென சாரல் மழை பெய்யத் தொடங்கியது. சிறிது நேரத்தில் பலத்த மழை பெய்தது. சுமார் ஒரு மணி நேரத்திற்கும் மேல் பெய்த மழையால் சாலையில் மழைநீர் பெருக்கெடுத்து ஓடியது. மேலும் மழையால் வெப்பத்தின் தாக்கம் குறைந்து குளிர்ந்த சீதோஷ்ண நிலை ஏற்பட்டதால் மக்கள் மகிழ்ச்சி அடைந்தனர்.