நாமக்கல் மண்டலத்தில் கறிக்கோழி விலை கிலோ ரூ.75 ஆக உயர்வு

நாமக்கல்:

நாமக்கல் மண்டலத்தில் கறிக்கோழி கிலோ ரூ.73-க்கு விற்பனை செய்யப்பட்டு வந்தது. இதற்கிடையே நேற்று பல்லடத்தில் நடந்த கறிக்கோழி ஒருங்கிணைப்பு குழு கூட்டத்தில் அதன் விலையை கிலோவுக்கு ரூ.2 உயர்த்த முடிவு செய்யப்பட்டது. இதனால் கறிக்கோழி விலை கிலோ ரூ.75 ஆக அதிகரித்து உள்ளது.

முட்டை கொள்முதல் விலை 420 காசுகளாகவும், முட்டைக்கோழி விலை கிலோ ரூ.95 ஆகவும் நீடிக்கிறது. அவற்றின் விலைகளில் மாற்றம் செய்யப்படவில்லை என பண்ணையாளர்கள் தெரிவித்தனர். கறிக்கோழி விலை படிப்படியாக உயர்ந்து வருவதால் பண்ணையாளர்கள் மகிழ்ச்சி அடைந்துள்ளனர்.