ஆர்.டி.மலையில், மனுநீதி நாள் முகாம்

குளித்தலை வட்டம், ஆர்.டி.மலை கிராமத்தில் நாளை (புதன்கிழமை) மதியம் 3 மணியளவில் மாவட்ட கலெக்டர் தலைமையில் மனுநீதி நாள் முகாம் நடைபெற உள்ளது. முகாமில் பல்வேறு அரசு துறையைச் சேர்ந்த அலுவலர்கள் கலந்து கொண்டு அவர்களது துறை சார்பான நலத்திட்ட உதவிகள் பற்றி பொதுமக்களுக்கு எடுத்துரைக்க உள்ளனர்.

மேலும் மருத்துவ முகாம், அரசுத்துறை சார்பில் கண்காட்சி ஆகியவை நடைபெற உள்ளன. எனவே, ஆர்.டி.மலையை சேர்ந்த பொதுமக்கள் அனைவரும் மனுநீதி நாள் முகாமில் கலந்து கொண்டு பயன்பெறலாம் என கலெக்டர் பிரபுசங்கர் தெரிவித்துள்ளார்.