பக்தர்களின் உண்டியல் காணிக்கை ரூ.71 லட்சத்து 44 ஆயிரம்

மதுரை மீனாட்சி அம்மன் கோவில் மற்றும் அதனை சார்ந்த உபகோவில்களில் உள்ள உண்டியல்கள் அனைத்தும் மாதம் ஒரு முறை திறந்து எண்ணப்படும். அதன்படி நேற்று அனைத்து கோவில்களில் உண்டியல்கள் திறந்து மீனாட்சி அம்மன் கோவிலில் உள்ள பழைய திருக்கல்யாண மண்டபத்தில் வைத்து காணிக்கை பணம் எண்ணப்பட்டது.

71 லட்சத்து 44 ஆயிரத்து 18 ரூபாயும், 582 கிராம் தங்கமும், 630 கிராம் வெள்ளி ஆகியவற்றை பக்தர்கள் காணிக்கையாக செலுத்தி இருந்தனர்.

கோவில் துணை கமிஷனர் அருணாசலம் தலைமையில் நடந்த இந்த பணியில் கோவில் பணியாளர்கள், வங்கி பணியாளர்கள் என பலர் கலந்து கொண்டனர்.