பெரியகுளம் அருகே பெண்ணை தாக்கிய கணவர் கைது

பெரியகுளம் அருகே உள்ள டி.கள்ளிப்பட்டியை சேர்ந்தவர் சரவணன் (வயது 44). லாரி டிரைவர். இவரது மனைவி ஷோபனா (37). இவர்களுக்கு குழந்தைகள் இல்லை. இந்தநிலையில் ஷோபனா கருத்து வேறுபாடு காரணமாக சரவணனை விட்டு பிரிந்து, அதே ஊரில் உள்ள தனது தாய் வீட்டில் வசித்து வந்தார்.

இதனால் தனியாக வசித்து வந்த சரவணன், தனது மாமியார் வீட்டிற்கு சென்று மனைவியிடம் பேசினார். அப்போது தன்னுடன் வருமாறு அழைத்தார். ஆனால் ஷோபனா வரமறுத்தார். இதனால் ஆத்திரமடைந்த சரவணன், தனது மனைவியை தாக்கினார். இதுகுறித்து பெரியகுளம் தென்கரை போலீஸ் நிலையத்தில் ஷோபனா புகார் அளித்தார். அதன்பேரில் போலீசார் வழக்குப்பதிவு செய்து சரவணனை கைது செய்தனர்.