10 மாதமாக தலைமறைவாக இருந்த வாலிபர் கைது

பாளையங்கோட்டை தாலுகா போலீஸ் நிலைய சரகத்திற்குட்பட்ட பகுதியில் கடந்த 2020- ம் ஆண்டு நடந்த கொலை வழக்கில் பாளையங்கோட்டை அருகே உள்ள உடையகுளம் தெற்கு தெருவை சேர்ந்த பூல்பாண்டி (வயது 22) என்பவர் கைது செய்யப்பட்டு ஜாமீனில் வெளிவந்தார். பின்னர் பூல்பாண்டி கோர்ட்டில் விசாரணைக்கு கடந்த 10 மாதமாக ஆஜராகாமல் தலைமறைவாக இருந்து வந்தார், அவரை பிடிக்க நீதிமன்றத்தில் பிடியாணை பிறப்பிக்கப்பட்டிருந்தது. இந்தநிலையில் பாளையங்கோட்டை தாலுகா போலீசார் பூல்பாண்டியை நேற்று கைது செய்து பிடியாணையை நிறைவேற்றி நீதிமன்றத்தில் ஆஜர்படுத்தினர்.