முத்தையாபுரத்தில் தொழிலாளிக்கு கொலை மிரட்டல்

ஸ்பிக்நகர்:

தூத்துக்குடி அருகே உள்ள முத்தையாபுரத்தை சேர்ந்தவர் நித்தியானந்தம் இவரது மகன் சதீஷ்குமார் (வயது 24). தொழிலாளி. இவர் முத்தையாபுரம் பகுதியில் நடந்து சென்று கொண்டிருந்தார். அப்போது அங்கு வந்த முத்தையாபுரம் கிருஷ்ணா நகரை சேர்ந்த இருளாண்டி மகன் பாலகிருஷ்ணன் (24), முத்தையாபுரம் அய்யன் கோவில் தெரு லிங்கம் மகன் பூவிழிராஜா (23), கோபி மகன் விமல் ஆகியோர் மது குடிப்பதற்கு அவரிடம் பணம் கேட்டுள்ளனர். அதற்கு சதீஷ்குமார் தன்னிடம் பணம் இல்லை என்று கூறியுள்ளார். இதனால் ஆத்திரம் அடைந்த அவர்கள் சதீஷ்குமாருக்கு கொலை மிரட்டல் விடுத்துள்ளனர். இது குறித்த புகாரின் பேரில் முத்தையாபுரம் போலீஸ் சப்- இன்ஸ்பெக்டர் மகாராஜன் வழக்கு பதிவு செய்து பாலகிருஷ்ணன், பூவிழி ராஜா ஆகிய 2 பேரை கைது செய்தார். தலைமறைவாக உள்ள விமல் என்பவரை போலீசார் தேடி வருகின்றனர்.