நாசரேத்தில்அரசு மாணவியர் விடுதியில் சுவர் ஏறி குதித்தவர் கைது

நாசரேத்:

நாசரேத் கதீட்ரல் ரோட்டில் உள்ளது அரசு மாணவியர் விடுதி. இங்குள்ள மாணவிகள் நாசரேத் பெண்கள் மேல்நிலைப் பள்ளியில் கல்வி பயின்று வருகின்றனர். இந்நிலையில் கடந்த சில நாட்களுக்கு முன்பு 40 வயது மதிக்கத்தக்க ஒருவர் மாணவியர் விடுதியில் சுவர் ஏறி உள்ளே குதித்துள்ளார். இதனால் பயம் அடைந்த மாணவிகள் சத்தம் போட்டுள்ளனர். உடனே அந்த நபர் தப்பி ஓடி விட்டார். இதுகுறித்து விடுதி காப்பாளர் சரவண செல்வி, நாசரேத் போலீசில் புகார் செய்தார். சப்-இன்ஸ்பெக்டர் எபனேசர் வழக்குப்பதிவு செய்து விசாரணை நடத்தினார். விசாரணையில், நாசரேத்தை சேர்ந்த அதிசயமணி மகன் ஜெயபால் (வயது 46) என்பவர் மாணவியர் விடுதியில் சுவர் ஏறி குதித்தது தெரியவந்தது. இதையடுத்து போலீசார் அவரை கைது செய்தனர்.