சத்தியமங்கலத்தில் கனகாம்பரம் கிலோ ரூ.600-க்கு ஏலம்

சத்தியமங்கலம்

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு தினமும் காலை 7 மணி முதல் மாலை 4 மணி வரை பூக்கள் ஏலம் நடைபெறும். நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதியில் இருந்து விவசாயிகள் 4 டன் பூக்களை கொண்டு வந்திருந்தனர்.

இந்த ஏலத்தில் மல்லிகைப்பூ கிலோ ரூ.420-க்கும், முல்லை ரூ.200-க்கும், காக்கடா ரூ.300-க்கும், செண்டுமல்லி ரூ.66-க்கும், பட்டுப்பூ ரூ.135-க்கும், கனகாம்பரம் ரூ.600-க்கும், சம்பங்கி ரூ.25-க்கும், அரளி ரூ.120-க்கும், துளசி ரூ.40-க்கும், செவ்வந்தி ரூ.240-க்கும், ஜாதிமல்லி ரூ.500-க்கும் ஏலம் போனது.