ஸ்பிக்நகரில் மளிகைகடையில் ரூ.50 ஆயிரம் திருட்டு

ஸ்பிக்நகர்:

தூத்துக்குடி ஸ்பிக்நகர் பகுதியை சேர்ந்தவர் முருகன் (வயது 48). இவர் தனது வீட்டின் முன்பு மளிகை கடை நடத்தி வருகிறார். கடந்த 23- ந்தேதி இரவு 11 மணியளவில் கடை அடைத்து விட்டு, வீட்டுக்கு சென்றவர், மறுநாள் காலை 10 மணி அளவில் கடையின் பூட்டை திறந்து உள்ளே சென்றுள்ளார். அப்போது கடையின் மேற்கூரை உடைக்கப்பட்டு இருந்ததை பார்த்து அதிர்ச்சி அடைந்துள்ளார். கடையின் கல்லாவில் இருந்த ரூ.50 ஆயிரம் திருடப்பட்டு இருந்தது. மர்மநபர் கடையின் மேற்கூரையை உடைத்து கயிறு கட்டி உள்ளே இறங்கி பணத்தை திருடிசென்றது தெரிய வந்தது. இதுகுறித்து அவர் கொடுத்த புகாரின் பேரில் முத்தையாபுரம் போலீசார் வழக்கு பதிவு செய்து கடையில் பணத்தை திருடி சென்ற மர்ம நபரை தேடிவருகின்றனர்.