தமிழ்நாட்டில் ஒருநாள் கொரோனா பாதிப்பு 300 -ஐ தாண்டியது

சென்னை,

மருத்துவம் மற்றும் மக்கள் நல்வாழ்வுத்துறை வெளியிட்ட செய்திக்குறிப்பில் கூறியிருப்பதாவது:-

தமிழ்நாட்டில் இன்று ஒரே நாளில் 303 பேர் கொரோனா பாதிப்பு அடைந்துள்ளனர். இதில், 159 ஆண்கள் மற்றும் 144 பெண்கள் அடங்குவார்கள். அதிகபட்சமாக சென்னையில் 101 பேருக்கும், செங்கல்பட்டில் 29 பேருக்கும், கன்னியாகுமரியில் 26 பேருக்கும், கோவையில் 22 பேருக்கும், திருவள்ளூர், சேலத்தில் தலா 15 பேருக்கும் மற்றும் வெளிநாட்டு பயணிகளில் இங்கிலாந்தில் இருந்து வந்த 3 பேருக்கும், சிங்கப்பூரில் இருந்து வந்த ஒருவருக்கும் என மொத்தம் 32 மாவட்டங்களில் பாதிப்பு கண்டறியப்பட்டு உள்ளது.

சிகிச்சை பெறுவோரின் எண்ணிக்கை 1,530 ஆக உள்ளது. அதே சமயத்தில் 6 மாவட்டங்களில் பாதிப்பு ஏற்படவில்லை. இதேபோல, தமிழகத்தில் கடந்த சில நாட்களாக உயிரிழப்பும் ஏதுமில்லை.இவ்வாறு அதில் கூறப்பட்டு உள்ளது.