போடியில்வியாபாரி வீட்டில் திருட முயற்சி

சென்னையை சேர்ந்தவர் கணேசன். வியாபாரி. இவருக்கு சொந்தமான வீடு போடி சுப்புராஜ் நகர் அருகே உள்ளது. கணேசன் குடும்பத்துடன் சென்னையில் வசித்து வருவதால் அந்த வீட்டை கேரள மாநிலம் மூணாறு பகுதியை சேர்ந்தரமேஷ் என்பவர் பராமரித்து வந்தார். இந்நிலையில் நேற்று முன்தினம் இரவு ரமேஷ் வீட்டிற்கு வந்தார். அப்போது வீட்டின் பின்பக்க கதவு உடைக்கப்பட்டு திறந்து கிடந்தது. இதனால் அதிா்ச்சி அடைந்த அவர் உள்ளே சென்று பார்த்தார்.

அப்போது அங்கிருந்த பொருட்கள் சிதறி கிடந்தன. ஆனால் திருட்டு ஏதும் போகவில்லை. இதுகுறித்து அவர் போடி நகர் போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து திருட முயன்ற மர்ம நபர்களை தேடி வருகின்றனர்.