போடியில்வீட்டின் பூட்டை உடைத்து திருடிய வாலிபர் சிக்கினார்

போடி குப்பளகிரி தோட்டம் முதல் தெருவை சேர்ந்தவர் அழகர் சாமி (வயது 66). கடந்த 2 மாதங்களுக்கு முன்பு இவர், தனது மனைவியுடன் கோவையில் உள்ள தனது மகன் வீட்டிற்கு சென்று விட்டார். வீட்டை பூட்டி விட்டு சாவியை அவரது மகள் மல்லிகாவிடம் ெகாடுத்துவிட்டு சென்றார். கடந்த 11-ந்தேதி இரவு மல்லிகா வீட்டை பூட்டி விட்டு சென்றார். மறுநாள் காலை வந்து பார்த்த போது வீட்டின் கதவில் இருந்த பூட்டு உடைக்கப்பட்டு திறந்து கிடந்தது.

பின்னர் உள்ளே சென்று பாா்த்தபோது பீரோ உடைக்கப்பட்டு அதில் இருந்த ரூ.18 ஆயிரம் திருடுபோய் இருந்தது. இதுகுறித்து தகவல் அறிந்த அழகர்சாமி உடனடியாக போடிக்கு வந்து போடி நகர் போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தினர். விசாரணையில் அழகர்சாமி வீட்டில் திருடியது வினோபாஜி காலனியை சேர்ந்த தர்மதுரை (20) என்பது தெரியவந்தது. இதையடுத்து போலீசார் அவரை கைது செய்தனர்.