தூத்துக்குடியில்மனைவியை மிரட்டிய பா.ஜனதா பிரமுகர் கைது

தூத்துக்குடி, பார்த்தசாரதி தெருவைச் சேர்ந்தவர் பொய் சொல்லான் (வயது 58). பா.ஜனதா தொழில் பிரிவு மாவட்ட துணைத் தலைவராக இருந்து வருகிறார். இவர், தூத்துக்குடி, மட்டக்கடை, ராமர்விளையைச் சேர்ந்த கிரேஸி (41) என்ற பெண்ணை 2-வதாக திருமணம் செய்து கொண்டார். கணவன், மனைவி இடையே ஏற்பட்ட தகராறு காரணமாக தற்போது 2 பேரும் பிரிந்து வாழ்ந்து வருகின்றனர். கடந்த 27-ந் தேதி பொய்சொல்லான் மற்றும் அவரது நண்பர்கள் 3 பேர், கிரேஸி வீட்டுக்கு சென்று, அவருக்கு ஏற்கனவே பொய் சொல்லான் எழுதிக் கொடுத்த சொத்து மற்றும் நகைகளை திருப்பித் தருமாறு கேட்டு அவதூறாக பேசி தகராறு செய்தாராம்.

இதுகுறித்த புகாரின் பேரில் வடபாகம் போலீசார் வழக்கு பதிவு செய்து பொய்சொல்லானை கைது செய்தனர்.