தூத்துக்குடியில்சிறப்பாக பணியாற்றிய 37 போலீசாருக்கு பாராட்டு

தூத்துக்குடி மாவட்டத்தில் ஒவ்வொரு மாதமும் சிறப்பாக பணியாற்றும் போலீசாருக்கு பரிசு வழங்கி பாராட்டப்பட்டு வருகின்றனர். அதன்படி கடந்த மாதம் சிறப்பாக பணியாற்றிய ஒரு போலீஸ் இன்ஸ்பெக்டர் உள்பட 37 பேருக்கு மாவட்ட போலீஸ் சூப்பிரண்டு பாலாஜி சரவணன் நேற்று பரிசு வழங்கி பாராட்டினார்.

போலீஸ் சூப்பிரண்டு அலுவலகத்தில் நடந்த நிகழ்ச்சியில் தூத்துக்குடி தலைமையிடத்து கூடுதல் போலீஸ் சூப்பிரண்டு கார்த்திகேயன், பெண்கள் மற்றும் குழந்தைகளுக்கெதிரான குற்ற தடுப்பு பிரிவு கூடுதல் போலீஸ் சூப்பிரண்டு கோடிலிங்கம், சைபர் குற்றப் பிரிவு கூடுதல் போலீஸ் சூப்பிரண்டு உன்னிகிருஷ்ணன் மற்றும் துணை போலீஸ் சூப்பிரண்டுகள், போலீஸ் இன்ஸ்பெக்டர்கள் உடன் இருந்தனர்.