வேலூர் மாநகராட்சியில் சுதந்திர தின விழா

வேலூர் மாநகராட்சி அலுவலகத்தில் சுதந்திர தின விழா நடந்தது. விழாவுக்கு மாநகராட்சி கமிஷனர் அசோக்குமார் தலைமை தாங்கினார். சிறப்பு அழைப்பாளராக எம்.எல்.ஏ.க்கள் நந்தகுமார் ப.கார்த்திகேயன் ஆகியோர் கலந்து கொண்டனர்.

மாநகராட்சி மேயர் சுஜாதா தேசிய கொடி ஏற்றி வைத்து மரியாதை செலுத்தினார். துணை மேயர் சுனில்குமார், மண்டல குழு தலைவர்கள் வி.புஷ்பலதா, ஆர்.நரேந்திரன், கே.யுசுப்கான், எஸ்.வெங்கடேசன் மற்றும் கவுன்சிலர்கள், அதிகாரிகள் பலர் கலந்து கொண்டனர். மாநகராட்சி சார்பில் நலத்திட்ட உதவிகளும் வழங்கப்பட்டது.

விழாவையொட்டி மாநகராட்சி அலுவலகம் மின் விளக்குகளால் அலங்கரிக்கப்பட்டு இரவு நேரத்தில் மின் விளக்குகளால் ஜொலித்தது.