இந்திய ஜனநாயக வாலிபர் சங்க நிர்வாகிக்கு அரிவாள் வெட்டு: மேலும் ஒரு வாலிபர் கைது

திருச்சி அரியமங்கலம் அம்மாக்குளம் பாரதியார் தெருவை சேர்ந்தவர் ரஹ்மத்துல்லா. இவரது மகன் முகமது தவுபிக்ராஜா (வயது 23). இவர் இந்திய ஜனநாயக வாலிபர் சங்கத்தின் கிளை செயலாளராக உள்ளார். இவருக்கும் அதே பகுதியை சேர்ந்த சிலருக்கும் மாரியம்மன் கோவில் திருவிழா தொடர்பாக தகராறு ஏற்பட்டது. இந்த நிலையில் கடந்த சில நாட்களுக்கு முன்பு முகமது தவுபிக்ராஜா அப்பகுதியில் அமர்ந்து இருந்தார். அப்போது அங்கு வந்த ஒரு கும்பல் முகமது தவுபிக் ராஜாவை அரிவாளால் வெட்டினர். இதில் பலத்த காயமடைந்த அவரை அக்கம் பக்கத்தினர் மீட்டு திருச்சி அரசு மருத்துவமனையில் சேர்த்தனர். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள். இந்த சம்பவம் தொடர்பாக ஏற்கனவே 6 பேரை அரியமங்கலம் போலீசார் கைது செய்துள்ளனர். இந்தநிலையில் இந்த வழக்கின் தொடர்புைடய முக்கிய நபரான பாதுஷா என்பவரை அரியமங்கலம் போலீசார் கைது செய்து சிறையில் அடைத்தனர்.