விபத்தில் காயமடைந்த முன்னாள் ராணுவவீரர் சாவு

தட்டார்மடம்:

தட்டார்மடம் அருகே உள்ள அரசூர் பூச்சிக்காடு கிராமத்தை சேர்ந்தவர் ஆறுமுகம் (வயது 78). முன்னாள் ராணுவ வீரரான இவர் கடந்த 16-ந்தேதி விவசாய பணிகளை கவனிக்க நடந்து சென்றபோது பின்னால் புத்தன்தருவையைச் சேர்ந்த பெருமாள் மகன் சப்பானிமுத்து வேகமாக ஓட்டி வந்த மோட்டார் சைக்கிள் மோதியதில் பலத்த காயமடைந்தார். பாளையங்கோட்டை ஐகிரவுண்டு அரசு ஆஸ்பத்திரியில் சேர்க்கப்பட்ட அவர் சிகிக்சை பலனின்றி இறந்து போனார்.

இதுகுறித்த புகாரின் பேரில் தட்டார்மடம் சப்-இன்ஸ்பெக்டர் குரூஸ் மைக்கேல் வழக்குப்பதிவு செய்து விசாரணை நடத்தி வருகிறார்.