கட்டிட மேற்கூரையில் சிமெண்டு பூச்சுகள் பெயர்ந்து விழும் அவலம்

திருவரங்குளத்தில் அரசு மேல்நிலைப்பள்ளி உள்ளது. இந்த பள்ளிக்கு கடந்த ஒரு ஆண்டுகளுக்கு முன்பாக நபார்டு திட்டத்தின் மூலம் ரூ.2 கோடிக்கு மேல் நிதி ஒதுக்கீடு செய்யப்பட்டு கட்டிடம் கட்டப்பட்டுள்ளது. இந்த கட்டிடம் கட்டி ஒரு ஆண்டுக்குள் கட்டிட மேற்பகுதியில் சிமெண்டு பூச்சுகள் பெயர்ந்து விழும் அவல நிலை ஏற்பட்டுள்ளது. மேலும் கைப்பிடி சுவரில் உள்ள கம்பியும் பெயர்ந்து விழுந்து உள்ளது. சிமெண்டு பூச்சுகள் எப்போது கீேழ விழும் என்ற அச்சத்துடனேயே மாணவர்கள் படித்து வருகின்றனர். இதனை சரி செய்ய வேண்டும் என்று மாணவர்கள் கூறியுள்ளனர். மேலும் தரமற்ற முறையில் கட்டிடத்தை கட்டிய ஒப்பந்ததாரர்கள் மீது நடவடிக்கை எடுக்க வேண்டும் என்று பெற்றோர்கள், பொதுமக்கள் கோரிக்கை விடுத்துள்ளனர்.