மல்லிகைப்பூ கிலோ ரூ.385-க்கு ஏலம்

சத்தியமங்கலம்

சத்தியமங்கலத்தில் கரட்டூர் ரோட்டில் பூ மார்க்கெட் உள்ளது. இந்த மார்க்கெட்டில் தினமும் காலை 7 மணி முதல் மாலை 4 மணி வரை பூக்கள் ஏலம் நடைபெற்று வருகிறது. அதன்படி நேற்று பூக்கள் ஏலம் நடந்தது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் ஏராளமான விவசாயிகள் 3 டன் பூக்களை விற்பனைக்காக கொண்டு வந்திருந்தனர். நேற்றைய ஏலத்தில் மல்லிகைப்பூ கிலோ ஒன்று ரூ.385-க்கும், முல்லை ரூ.160-க்கும், காக்கடா ரூ.400-க்கும், செண்டுமல்லி ரூ.80-க்கும், பட்டுப்பூ ரூ.125-க்கும், ஜாதிமல்லி ரூ.400-க்கும், கனகாம்பரம் ரூ.300-க்கும், சம்பங்கி ரூ.15-க்கும், அரளி ரூ.80-க்கும், துளசி ரூ.40-க்கும், செவ்வந்தி ரூ.200-க்கும் ஏலம் போனது.