கரூரில், ஓய்வூதியதாரர்கள் குறைதீர்க்கும் நாள் கூட்டம்: கலெக்டர் தகவல்

கரூர்,

கரூர் மாவட்ட ஓய்வூதியதாரர்கள் குறைதீர்க்கும் நாள் கூட்டம் வருகிற 17-ந்தேதி (வெள்ளிக்கிழமை) காலை 10.30-க்கு மாவட்ட கலெக்டர் அலுவலகத்தில் நடைபெற உள்ளது. இதில் சென்னை ஓய்வூதிய இயக்குனர் மற்றும் மாவட்ட கலெக்டர் ஆகியோர் கலந்து கொள்கின்றனர். எனவே ஓய்வூதியதாரர்கள் தங்கள் குறைகள் தொடர்பான மனுக்களை ஓய்வூதியர்கள் கலெக்டர் அவர்களுக்கு குறைதீர்க்கும் நாள் மனு என்று எழுதப்பட்ட உரையில் அஞ்சல் மூலமாகவோ அல்லது கரூர் மாவட்ட கலெக்டரின் நேர்முக உதவியாளர் அவர்களிடம் நேரில் வந்தும் வரும் 13-ந்தேதிக்குள் சமர்ப்பிக்கலாம் அல்லது வருகிற 17-ந்தேதி அன்று நேரடியாக நடைபெறும் கூட்டத்தில் மனு கொடுக்கலாம். மேற்கண்ட தகவலை மாவட்ட கலெக்டர் பிரபு சங்கர் தெரிவித்துள்ளார்.